मोरङको सुन्दरहरैचा नगरपालिका १० स्थित विराटचोककी बासिन्दा प्रथम महिला पत्रकार सगरमाथा आरोहण २०१८ की एकसदस्य बस्नेतलाई सभामुख भण्डारीको आफ्नै निवास धरान-१३ मा सम्मान गरिएकाे हाे। सभामुख भण्डारीले नेपाली महिला पत्रकारले देशसँगै प्रदेश-१ को नाम उच्च बनाएको भन्दै उनीहरूको प्रशंसा समेत गरे। प्रदेश-१ को गौरवको रुपमा रहेका सर्वोच्च शिखर सगरमाथाको आरोणले प्रदेश-१ का महिला पत्रकारहरूले प्रदेश-१ लाई विश्वमा चिनाएको पनि भण्डारीले बताए। बस्नेतलार्ई सभामुख भण्डारीले प्रदेश-१ को पर्यटन प्रवर्द्धनसँगै यसको प्रचार-प्रचार गर्न सहयोग गर्न आग्रह समेत गरेका थिए।

सम्मानित भएपछि बस्नेतले आफू प्रदेश-१ को स्थायी वासिन्दा भएको कारण यस क्षेत्रको पर्यटन प्रवर्द्धनसँगै महिला सशक्तीकरण र युवा जागरणको क्षेत्रमा समेत कार्य इच्छा व्यत्त गरिन्। राष्ट्रिय समाचार समितिको केन्द्रीय कार्यालयमा अंग्रेजी समाचार सम्पादकको रुपमा काम गर्ने बस्नेत सुन्दरहरैचा हुन्। सगरमाथा आरोहण गर्ने महिला पत्रकारको टोली सदस्यमा प्रदेश-१ बाट रोशा बस्नेत र देउराली चम्लिङ रहेका थिए। बस्नेत सहितको महिला पत्रकारहरूको समूहले जेठ ९ गते सर्बोच्च शिखर सगरमाथाको आरोहण गरेको थियो।

 पत्रकार महासंघको ब्यानरमा गएका महिला पत्रकारहरूले समानताको लागि बुलन्द आवाज भन्ने मुल नाराका साथ हिमाल आरोहण गरेका थिए।