काठमाडौं : सर्वोच्च अदालतले डिआइजी जयबहादुर चन्दलाई प्रहरी महानिरीक्षक बनाउने सरकारको निर्णय बदर गरेको छ।
गत फागुन १ गते बसेको मन्त्रिपरिषद् बैठकले डीआईजी जयबहादुर चन्दलाई प्रहरी महानिरीक्षकमा बढुवा गरेको थियो। चन्दलाई आईजीपीमा बढुवा गर्ने निर्णयअघि नै २८ माघमा अधिवक्ता कपिलदेव ढकालले आईजीपी नियुक्तिमा राजनीतिक हस्तक्षेप भएको र प्रचलित कानुनविपरीत निर्णय गर्न लागिएको भन्दै रिट दायर गरेका थिए।
टाइमलाइनमा हेर्नुहोस् 'आईजीपी प्रकरण'
माघ २८ गते
- जयबहादुर चन्दलाई प्रहरी महानिरीक्षक नियुक्त नगर्न माग गर्दै अधिवक्ता कपिलदेव ढकालद्वार रिट निवेदन। सरकारले वरियता मिचेर प्रहरी महानिरीक्षक नियुक्ति गर्ने तयारी गरेको रिट निवेदकको जिकिर।
फागुन १ गते
- मन्त्रिपरिषदद्वारा जयबहादुर चन्दलाई प्रहरी महानिरीक्षक सिफारिस। नेपाल प्रहरीको प्रमुखको सूचीमा चन्द तेस्रो वरियतामा थिए। एक नम्बरमा नवराज सिलवाल, दुई नम्बरमा प्रकाश अर्याल, तेस्रो नम्बरमा चन्द र चौँथोमा बमबहादुर भण्डारी थिए।
- प्रधानन्यायाधीश सुशीला कार्कीको एकल इजलासले ढकालको रिटमाथि प्रारम्भिक सुनुवाई गर्दै चन्दलाई महानिरीक्षक नबनाउन अन्तरिम आदेश।
- पहिलो वरियताका डीआइजी नवराज सिलवालद्वारा वरियता र कार्यसम्पादनमा आफू सक्षम रहेकाले महानिरीक्षक नियुक्ति गर्नुपर्ने दावी गर्दै रिट दायर।
- प्रधानमन्त्री तथा मन्त्रीपरिषद कार्यालयलाई विपक्षी बनाइ दायर दुबै रिटमा एकैपटक सुनुवाई गर्ने सर्वोच्चको निर्णय।
फागुन २ गते
- प्रहरी महानिरीक्षक उपेन्द्रकान्त अर्यालको बिदाइ। उनी २०७० मंसिर १ गतेदेखि प्रहरी प्रमुख थिए।
- डा. दिनेशचन्द्र पोखरेल कायममुकायम प्रहरी प्रमुख नियुक्त।
- चितवनका सागर थापाद्वारा डिआइजी नवराज सिलवाललाई महानिरीक्षक नबनाउन माग गर्दै रिट दायर।
फागुन ४ गते
- न्यायाधीश ईश्वरप्रसाद खतिवडाद्वारा थापाले दायर गरेको रिट खारेज।
फागुन १८ गते
- न्यायाधीशहरु हरिकृष्ण कार्की र तेजबहादुर केसीद्वारा चन्दलाई महानिरीक्षक बनाउने निर्णय कार्यान्वयन नगर्न अन्तरिम आदेश।
चैत ३ गते
- न्यायाधीशहरु ईश्वरप्रसाद खतिवडा र तेजबहादुर केसीद्वारा जयबहादुर चन्द र नवराज सिलवाल प्रहरी नायव महानिरीक्षक (डीआइजी) रहँदाको कार्यसम्पादन मूल्यांकनसम्बन्धी अभिलेख २४ घण्टाभित्र झिकाउन आदेश। अन्तिम सुनुवाइ पूर्ण इजलासले गर्ने सर्वोच्चको आदेश।
चैत ६ गते
- प्रधानन्यायाधीश सुशील कार्कीद्वारा आफ्नो नेतृत्वको ५ सदस्यीय पूर्ण इजलास गठन।
- हरिकृष्ण कार्की, ईश्वरप्रसाद खतिवडा, डा. आनन्दमोहन भट्टराई र अनिलकुमार सिन्हा सदस्य।
चैत ७ गते
चैत ८ गते
तपाईंको ईमेल गोप्य राखिनेछ ।