रसुवा : जिल्लाको उच्च भागमा अवस्थित पवित्र तीर्थस्थल गोसाइँकुण्डमा विशेष मेला शुरू भएको छ।
गंगा दशहरा पर्वअन्तर्गत आरम्भ भएको १० दिने विशेष मेला भर्नका लागि टाढा टाढाबाट आएका भक्तजनले आज बिहानैदेखि कुण्डमा स्नान तथा भगवान् शिवको पूजा आराधना गर्न थालेका छन्। गोसाइँकुण्ड मेलाको पहिलो दिन आज तीर्थ पुग्ने भक्तजनले दिनभरिनै कुण्डमा स्नान तथा विशेष पूजा गर्छन्।
पहिलो दिन करिब ५०० भक्तजनले गोसाइँकुण्डमा स्नान गर्ने अनुमान गरिएको छ। भक्तजनको आउने क्रम जारी रहेको लाङटाङ राष्ट्रिय निकुञ्जका सूचना अधिकारी एवं सहायक संरक्षण अधिकृत मिलन सापकोटाले जानकारी दिए। यो वर्षको गंगा दशहरा पर्वमा पाँच हजार भक्तजन गोसाइँकुण्ड पुग्ने प्रक्षेपण लाङटाङ राष्ट्रिय निकुञ्जले गरेको छ।
जिल्ला प्रहरी प्रमुख सुवास बुढाथोकीले कुनै स्थानमा सुरक्षा चाहिएमा वा उद्धार गर्नुपर्ने अवस्था आएमा नेपाल प्रहरीको निःशुल्क फोन नं. १०० मा खबर गर्न भनेका छन्।
ज्येष्ठ शुक्ल प्रतिपदादेखि दशमीसम्म १० दिन र जनैपूर्णिमा पर्वका अवसरमा पाँच दिन गरी प्रत्येक वर्ष १५ दिन निलाद्री पर्वतमा विशेष मेला लाग्छ।
तपाईंको ईमेल गोप्य राखिनेछ ।