राजनीति

धरान उपमहानगरका प्रमुख र उपप्रमुखले सुरु गरे कार्यभार
SHARES

साउन २, २०७४

    सुनसरी : धरान उपमहानगरपालिकाका प्रमुख तथा उपप्रमुखले सोमबार पदभार ग्रहण गरेका छन् । निर्वाचित भएर सपथग्रण गरेको पाँच दिन पछि सोमबार उनीहरुले कार्यभार सुरु गरेका छन्। 

    पदभार ग्रहण गर्दे धरान उपमहानगरपालिकाका प्रमुख तारा सुब्बाले धरानको विकासमा सबैसँग सहकार्य गरेर अगाडी बढ्ने बताए। पदभार ग्रहण गर्नु अघि धरान उपमहानगरपालिकाका कार्यकारी अधिकृत विष्णुप्रसाद कोइरालाले प्रमुख तथा उपप्रमुखलाई माला लगाएर स्वागत गरेका थिए। 

    पदभार ग्रहणपछि सोमबार नै बसेको जनप्रतिनिधिहरुको बैठकले धरानको विभिन्न वडाका अव्यवस्थित बस्तीहरुलाई व्यवस्थित गराउने विषयमा छलफल भएको कार्यकारी अधिकृत कोइरालाले बताए। 

    सोमबारको पहिलो बैठकले धरानको अव्यवस्थित बस्तीलाई व्यवस्थित गर्ने, घर नम्बरिङ गर्ने तथा जग्गा धनीपुर्जा प्राप्तीको लागि कानुनी प्रक्रिया अगाडी बढाउने भएको छ। यसैगरी नयाँ बसपार्क निर्माणका लागि आवश्यक पहल गर्ने, पर्यटन विकास गुरुयोजना पुनरावलोकन गरी थप प्रभावकारी बनाउने र मर्मत कोषमा १ करोड रुपैयाँ विनियोजन गर्ने निर्णय भएको कार्यकारी अधिकृत विष्णुप्रसाद कोइरालाले बताए।

    पदभार ग्रहण कार्यक्रममा विपक्षी पार्टीहरुका प्रतिनिधिलाई भने बोलाइएन।  धरान उपमहानगरकोे प्रमुखमा पराजित उम्मेदवार तथा नेपाली कांग्रेस धरान सभापति तिलक राईले पदभार ग्रहण कार्यक्रममा नबोलाएर विपक्षीलाई वाइकेट गर्न खोजिएको बताए। नेकपा माओवादी केन्द्रका धरान इन्चार्ज तथा प्रमुख पदका उम्मेदवार अइन्द्र विक्रम बेघाले पनि आफुलाई पदभार ग्रहण कार्यक्रमबारे कुनै जानकारी नभएको बताए। 

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]