काठमाडौं : महानगरजस्ता ठूला शहरमा पैदल यात्रीको सहजता तथा सुविधाका निम्ति सडकपेटीको व्यवस्था गरिएको हुन्छ।
अन्तर्राष्ट्रिय मान्यता अनुरूप सडकपेटी कम्तीमा पनि डेढ मिटर चौडा हुनु उपयुक्त मानिन्छ। पैदल यात्रु हिँड्नका लागि प्रयोगमा आउने भएकै कारण सडकपेटीमा कुनै पनि किसिमका अवरोध हुन नहुने यसको महत्वपूर्ण विशेषता हो ।
तर नेपालको केन्द्रीय राजधानी शहर तथा मुलुककै पहिलो महानगरपालिका काठमाडौंका सडकपेटीको अवस्था बेग्लै छ। सडकपेटी असाध्य साँघुरा छन् र कतिपय स्थानमा त सडकपेटीको व्यवस्था नै छैन।
भएका सडक पेटीमा पनि निर्माण सामग्री छरपस्ट छन् त कतै भत्किएको, बिग्रिएको अवस्था छ । यसले सडकपेटी सकिइरहेका छन्, पैदल मार्ग हराइरहेका छन् । राजधानी काठमाडौंमा मात्र होइन उपत्यकाभित्रै धेरैतिर सडकपेटीको राम्रो व्यवस्थापन छैन ।
सडकपेटी निर्माणको पर्खाइमा छन् । लाग्छ सडकपेटी उद्धारको पर्खाइमा छन् । स—साना व्यापारीहरूले सडकपेटीलाई व्यापार गर्ने थलो बनाउँछन् । एकातिर सडकपेटी खुला तथा अवरोधरहित हुनुपर्ने मान्यता छ भने काठमाडौंका सडकपेटीको अवस्था त्यसको ठिक विपरीत पाइन्छ । हेर्नुहोस् केही तस्विर
तपाईंको ईमेल गोप्य राखिनेछ ।