जाजरकोट : यहाँको नलगाड नगरपालिका वडा ८ कायखेत स्थित सयौँ रोपनीमा लगाएको धान बाली नष्ट भएको छ। शनिबार बिहान आएको पहिरोले कायखेतमा रहेको धानसहितको खेत पुर्दा यहाँका किसान मर्कामा परेका छन्। हुमप्रकाश सिंह, हिरालाल खत्री, खर्कबहादुर शाहीलगायतका ५ जनाको घर परिवार पहिरोका कारण घर छाडेर विस्थापित भएका छन्।
त्यस्तै पहिरोले मकैलगायतको जग्गा पुर्दा मकैबालीसमेत नष्ट भएको छ। कायखेत- जिकुवा सडकबाट आएको पहिरोले यहाँका स्थानीयको उठीबास लागेको हो। मापदण्डविपरीत डोजरद्वारा निर्माण गरिएको यो सडकबाट यहाँका दर्जनौँ अन्य घरसमेत जोखिममा परेका छन्।
यस्तै छेप्का- कैना सडक खण्डको डाडागाउँमा पहिरो आउँदा यातायात सेवा ठप्प भएको छ। पहिरो गएको ठाउँमा सडक निर्माणका लागि पहल सुरु गरिने नलगाड नगरपालिकाले बताएको छ।
तपाईंको ईमेल गोप्य राखिनेछ ।