समाज

नगरपालिकामा मदिरा फुकुवा गर्न उच्च अदालतको अन्तिरिम आदेश
SHARES

बैशाख १२, २०७६

    मुगु : मुगुको छायानाथ रारा नगरपालिकाले गएको मसिर १ गते नगरपालिकालाई मदिरा निषेधित नगर घोषणा गरे पनि उच्च अदालत सुर्खेतले मदिरा निषेधित नगर्न अन्तरिम आदेश दिएको छ। सोमबार उच्च अदालत सुर्खेतका न्यायाधीश राकेशकुमार निधिको एक इजालासले जिल्ला अदालत जुम्लाबाट  अन्तरिम आदेश जारी गरेका हुन्।

    छायानाथ रारा नगरपालिकाले गहेको मंसिर एक गतेदेखि नगरपालिकालाई मदिरा निषेधित नगरपालिका घोषणा गरको थियो। नगरपालिकाले इजाजत प्राप्त २८ जना मदिरा व्‍यवसायीको इजाजत कब्जामा लिई नगरलाई मदिरा निषेधित क्षेत्र घोषणा गरेको भए पनि उच्च अदालतले मदिरा नियन्त्रण ऐन २०३१ अनुसार इजाजत प्राप्त मदिरा बेचबिखन गर्न पाउने व्‍यवसायीको अधिकार भएको भन्दै बन्द गर्न नहुने भन्दै अन्तिरिम आदेश जारी गरेको जिल्ला अदालत जुम्लाका सुब्बा रामेश्वर न्यौपानेले जानकारी दिए।

    नेपाल सरकारले नियम बनाएर मदिरा कारोबार गर्न चाहने व्यवसायीका लागि बाटो खुला गरिदिएको अवस्थामा नगरपालिकाले नेपाल सरकारको मापदण्डअनुसार इजाजत लिई व्यवसाय तथा मदिरा कारोबार गर्न पाउने अधिकारमाथि हस्तक्षेप गरेको भए पनि न्यायालयले व्यवसायीको पक्षमा अन्तरिम आदेश जारी गर्नु राम्रो पक्ष भएको मुगु उद्योग वाणिज्य संघका अध्यक्ष कमल बुढाले बताए।

    नगरलाई मदिरा निषेध घोषणा गरिए पनि लुकीछिपि घरेलु तथा आयातित इजाजत प्राप्त  मदिरा महँगोमा बेचविखन भई रहेकोप्रति नगरपालिकाले बेवास्ता गरी रहेको स्थानीय नागरिकले बताउँदै आएका थिए।  

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]