एजेन्सी : नागरिकता कानुनको विरोधमा भारतका विभिन्न स्थानमा चर्किएको आन्दोलनबारे प्रधानमन्त्री नरेन्द्र मोदीले मुख खोलेका छन्। मोदीले 'उक्त कानुन कुनै समुदायविशेषविरुद्ध लक्षित नभएको' बताएका हुन्।
सोमबार लगातार पाँचवटा ट्वीट गरेका मोदीले 'नागरिकता संशोधन कानुनबारे हिंस्रक प्रदर्शन हुनु दुर्भाग्यपूर्ण र चिन्ताजनक भएको' भन्दै नयाँ कानुनसँग नडराउन अपील गरेका हुन्।
'म भारतीयहरूलाई स्पष्ट रुपमा आश्वस्त तुल्याउन चाहन्छु,' उनले भनेका छन्, 'नागरिकता कानुनबाट कुनै पनि धर्म मान्ने नागरिक प्रभावित हुँदैनन्। कोही डराउनुपर्दैन। यो कानुन वर्षौंदेखि अन्याय सहँदै आएका र भारतबाहेक दोस्रो ठेगाना नभएका मानिसहरूका लागि ल्याइएको हो।'
I want to unequivocally assure my fellow Indians that CAA does not affect any citizen of India of any religion. No Indian has anything to worry regarding this Act. This Act is only for those who have faced years of persecution outside and have no other place to go except India.
— Narendra Modi (@narendramodi) December 16, 2019
'बहस, संवाद र असहमति लोकतन्त्रको महत्पूर्ण हिस्सा हो', अर्को ट्वीटमा उनले भनेका छन्, 'तर सार्वजनिक सम्पत्तिमा क्षति पुर्याउनु वा सामान्य जनजीवनलाई असर पार्ने काम ठीक होइन।'
'नागरिकता संसोधन कानुन २०१९, दुवै सदनबाट जोडदार बहुमतसहित पारित भएको' स्मरण गराउँदै उनले 'उक्त कानुनमा भारतको वर्षौं पुरानो सर्वस्वीकार्यताको संस्कृति, सद्भाव, करुणा र भाइचारा समाहित रहेको' दाबी गरेका छन्।
The need of the hour is for all of us to work together for the development of India and the empowerment of every Indian, especially the poor, downtrodden and marginalised.
— Narendra Modi (@narendramodi) December 16, 2019
We cannot allow vested interest groups to divide us and create disturbance.
नयाँ कानुन आएसँगै चर्किएको आन्दोलनमा उत्तरपूर्वी भारतमा ६ जनाको ज्यान गइसकेको छ। आन्दोलन राजधानी नयाँ दिल्लीसम्म फैलिएपछि मोदीले मुख खोलेका हुन्।
आइतबार दिल्लीको जामिया मिलिया इस्मालिया विश्वविद्यालयमा विद्यार्थीहरूले गरेको आन्दोलनमा प्रहरीले धरपकड गरेको विषयमा मोदी सरकारको चर्को आलोचना भइरहेको छ।
पछिल्लो ट्वीटमा मोदीले भनेका छन्, 'यो एकता, भाइचारा र शान्ति कायम राख्नुपर्ने समय हो। नचाहिँदो हल्लाबाटबाट बच्न म सबैलाई अपील गर्छु।'
This is the time to maintain peace, unity and brotherhood. It is my appeal to everyone to stay away from any sort of rumour mongering and falsehoods.
— Narendra Modi (@narendramodi) December 16, 2019
तपाईंको ईमेल गोप्य राखिनेछ ।