अर्थ

ढुंगो पन्छाउन नारायणगढ–मुग्लिन सडक सात घण्टा बन्द गरिँदै
SHARES

कात्तिक २५, २०७४

    चितवन: चितवनको नारायणगढ–मुग्लिक सडकखण्ड अन्तरगत सेतीदोभानमा रहेको जोखिमयुक्त ढुंगो पन्छाउन आज सात घण्टा सवारी बन्द हुने भएको छ। नारायणगढ–मुग्लिक सडक आयोजनाका अनुसार उक्त सडकखण्डको सेती दोभानमा खस्न लागेको चट्टान रहेकाले जोखिम बढेको भन्दै शनिबार (आज) १० बजेदेखि ५ बजेसम्म सवारी रोकेर ढुंगा पन्छाउने काम गरिने छ।

    आयोजनाका ईन्जिनियर शिवप्रसाद खनालले शनिबार वैकल्पिक सडक प्रयोग गर्न अनुरोध समेत गरका छन्।  आईतबारदेखि भने कालोपत्रे गर्ने स्थानमा एकतर्फी बाटो सञ्चालन गरिने र भित्तो काट्ने स्थानमा बीच बीचमा सडक रोक्दै काम अघि बढाईने खनालको भनाई छ।

    आईतबारबाट एकहप्ता परिक्षण स्वरुप विहान ७ बजेदेखि ८:३० बजे ११ बजेदेखि १२ बजे, १ बजेदेखि २ बजे र ३ बजेदेखि ४ बजेसम्म सडक रोकेर भित्तो काट्ने काम गरिने चितवनका ट्राफिक प्रहरी प्रमुख तथा प्रहरी निरीक्षक सन्तोष पन्तले जानकारी दिए।

    सो सडकको १६, २२ र ३३ किलो क्षेत्रमा करिव ७०० मिटरमा भित्तो काट्ने काम बाँकी छ। यहाँको झण्डै १० किलोमिटर क्षेत्रमा भने पहिलो तहको कालोपत्रे सकिएको छ। दुई बर्षदेखि यहाँ सडक चौडापार्ने काम सुरु गरिएको हो। निर्धिारित समयमा सडकको काम नसकिएपछि आगामी फागुन सम्म म्याद थपेर काम हुँदै आएको छ। सो सडकको अहिलेसम्म ५८ प्रतिशत मात्रै काम सम्पन्न भएको छ।

नारायण ढुंगाना

पत्रकार ढुंगाना थाहाखबरका चितवन संवाददाता हुन्।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]