काठमाडौं : प्रहरीले काठमाडौंको मित्रनगर नयाँ बसपार्कस्थित एक होटलबाट इटालियन अटोमेटिक पेस्तोलसहित तीनजनालाई पक्राउ गरेको छ ।
महानगरीय प्रहरी कार्यालय रानीपोखरीका डिएसपी महेश थापा नेतृत्वको टोलीले गोङ्गबु मित्रनगरमा अवस्थित नेपाल तारा गेस्ट हाउसबाट इटालियन पिस्तोल र पाँच राउण्ड गोलीसहित तीन जनालाई पक्राउ गरेको हो ।
महानगरीय कार्यालय रानीपोखरीका प्रवक्ता वरिष्ठ प्रहरी उपरीक्षक श्यामलाल ज्ञवालीका अनुसार पक्राउ परेका तीनैजनालाई थप कारबाहीका लागि महानगरीय प्रहरी परिसर टेकुमा बुझाइएको छ ।
पक्राउ परेकाहरुमा नुवाकोटको लिखु गाउँपालिका ४ चौघाडा घर भएका २९ वर्षीय प्रितम राई, नुवाकोटकै लिखु गाउँपालिका ४ चौघाडा घर भएका ३७ वर्षीय रामकुमार राई र भारतको दार्जिलिङ घर भइ हाल काठमाडौँको टोखा बस्ने ३६ वर्षीय सविन खवास रहेका छन्।
तपाईंको ईमेल गोप्य राखिनेछ ।